*****വധു *****
ചെറുകഥ( ഭാഗം-6)
ജോര്‍ജ് കുര്യന്‍
ഷീല ആദ്യം എന്റെ ഡാഡിയ്ക്ക് ചായ കൊടുത്തു..അതിനു ശേഷം
വറീത് ചേട്ടനും, പിന്നീട് എനിക്കും ,ഒടുവില്‍ അവളുടെ ഡാഡിയ്ക്കും കൊടുത്തു."നല്ല ചായ." എന്റെ ഡാഡി ചായ മുത്തി കുടിച്ചിട്ട് അഭിപ്രായം
പറഞ്ഞു.ഗൌരവം നിറഞ്ഞ പുഞ്ചിരിയോടെ.വറീത് ചേട്ടന്‍ സാധാരണ പോലെ
ഡാഡിയെ പിന്താങ്ങി."അത് തന്നെ.നല്ല രുചിയുള്ള ചായ.ഇത്രയും നല്ല
ചായ അടുത്ത കാലത്തെങ്ങും കുടിച്ചിട്ടില്ല. താങ്ക് യൂ ."ഷീലയുടെ മുഖത്തു
നോക്കാന്‍ എനിക്ക് ധൈര്യം വന്നില്ല.എങ്കിലും ഞാന്‍ അവളെ ഒളികണ്ണിട്ടു
നോക്കി.ശോകത്താല്‍ എന്റെ മനസ്സ് കലുഷിതമായി,വീണ്ടും.
എന്റെ ഡാഡി വീണ്ടും അഭ്പ്രായം പാസ്സാക്കി."വറീത് ചേട്ടന്‍ പറഞ്ഞത്
ശരി തന്നെ.നല്ല ഒന്നാന്തിരം ചായ." എന്നിട്ട് അദ്ദേഹം വീണ്ടും പുഞ്ചിരിച്ചു.
"ഷീല ഉണ്ടാക്കിയതാണ് ,ഈ ചായ." അത് പറഞ്ഞത് ഷീലയുടെ അമ്മയാണ്.
അത് കേട്ട് വറീത് ചേട്ടന്‍ കൂടുതല്‍ വാചാലനായി." ഷീലയെ കെട്ടുന്നവന്റെ ഭാഗ്യം." എന്നിട്ട് അയാള്‍ ഉറക്കെ ചിരിച്ചു.എന്നെ അത് കൂടുതല്‍ ദെഷ്യപ്പെടുത്തി.അധികംതാമസിയാതെ ഇയ്യാളെ എന്റെ
കൂട്ടുകാരെകൊണ്ട് രണ്ടു അടി കൊടുപ്പിക്കും,തീര്‍ച്ച.ഞാന്‍ മനസ്സില്‍ ഉറപ്പിച്ചു.
ഇവിടെ നിന്ന് പോകുക തന്നെ എന്ന് ഉറപ്പിച്ചിട്ടു ഞാന്‍ വേഗം എന്റെ ചായ
കുടിച്ചു .അതിനുശേഷം പെട്ടെന്ന് എഴുനേറ്റു ."എന്നാലിനി അടുത്ത പരിപാടി "
വറീത്ചേട്ടന്‍പറഞ്ഞത് കേട്ട് എനിക്ക് വലിയ ആശ്വാസം തോന്നി. സന്തോഷം.മനസ്സിന് ആശ്വാസം തോന്നി. ഞാന്‍ പോകാന്‍ തയാറായി ഡാഡി യുടെ മുഖത്തേക്ക്നോക്കി.ഡാഡി എഴുനെല്‍ക്കുന്നില്ല..വറീത് ചേട്ടനെ
നോക്കി തല കുലുക്കി.അതിനു ശേഷം അദ്ദേഹം ഷീലയുടെ അപ്പന്റെ മുഖത്തേക്ക് നോക്കി.
" വറീത്ചേട്ടന്‍ പറയുന്നതുപോലെ" അദ്ദേഹം പറഞ്ഞത് കേള്‍ക്കായി . എന്റെ കാലടികള്‍ സാവകാശം ചലിക്കാന്‍ തുടങ്ങി. ഇവിടെ നിന്ന് പോകാമല്ലോ;ഞാന്‍ ആശ്വസിച്ചു .
"എന്നാല്‍ ഇനിയും,പെണ്ണും ചെറുക്കനുമായി ഒന്ന് സ്വതന്ത്രമായി സംസാരിക്കട്ടെ, അല്ലേ ,മര്‍ക്കോച്ചാ .അല്ലേ തോമ്മാച്ചാ ?" വറീത് ചേട്ടന്‍ പറഞ്ഞത് ഗൌരവം വിടാതെയാനണ്. എങ്കിലും വറീത് ചേട്ടന്‍ ഒന്ന്
ഉറക്കെ ചിരിച്ചു. ഒരു വലിയ പൊട്ടിച്ചിരി തന്നെ അവിടെ മുഴങ്ങി.
അതിനു മറുപടിയായി ഞങ്ങളുടെ ഡാഡിമാര്‍," അത് തന്നെ .അവര്‍ സംസാരിക്കട്ടെ." എന്ന് ഉത്തരമായി പറഞ്ഞു.
"ഷാജുമോന്‍ അകത്തേക്ക് ചെല്ല് ,ഷീലയുടെ കൂടെ .ഷീലയുമായി സംസാരിക്കു ."
വറീത് ചേട്ടന്‍ അത് പറഞ്ഞിട്ട് എന്റെ കൈക്കിട്ടു ഒരു നുള്ള് സമ്മാനിച്ചു .
ഞാന്‍ സ്വപ്ന ലോകത്തില്‍ അകപ്പെട്ടവനെ പോലെയായി . സത്യത്തില്‍ എനിക്ക് കാര്യങ്ങള്‍ ഒന്നും പിടി കിട്ടിയില്ല.എന്റെ നില്‍പ്പ്
കണ്ടിട്ടാവണം എന്റെ ഡാഡി എന്നോട് പറഞ്ഞു ."മോന്‍ മടിക്കേണ്ട.ചെല്ല് .
ഷീല യുമായി സംസാരിക്കു . മടിക്കേണ്ട.എന്റെ കണ്ണുകള്‍ ഷീലയെ തിരഞ്ഞു .അവള്‍ അടുത്ത മുറിയുടെ അടുത്ത് നില്‍പ്പുണ്ട്.ഇത് സത്യമോ, മിഥ്യ യോ .എന്റെ മനസ്സ് പതറി.എനിക്ക് ഒന്നും മനസ്സിലാവുന്നില്ല.
യാഥാര്‍ ത്യമറിയുവാന്‍ എന്റെ വിരലുകളെ നുള്ളി നോക്കി .നോവുന്നുണ്ട് .ഇത് സത്യം തന്നെ. ഞാന്‍ ഉറച്ചു. ഞാന്‍ അവളുടെ അടുത്തേക്ക് നടന്നു. അടുത്ത നിമിഷം
അവളുടെ കവിള്‍ത്തടങ്ങള്‍ അരുണാഭമായത് ഞാന്‍ മനസ്സിലാക്കി. ഞാന്‍ എന്റെ കൈകള്‍ അവള്‍ക്കു നേരെ നീട്ടി .അടുത്ത നിമിഷം എന്റെ പ്രാണ സഖി
എന്റെകൈകള്‍ക്കുള്ളില്‍ അമര്‍ന്നു..
അവള്‍ പുഞ്ചിരിച്ചു കൊണ്ട് മൊഴിഞ്ഞു ."ഇനിയും പ്രി മാരിയജു ഹണി മൂണ്‍
ഒന്നും വേണ്ടല്ലോ, പോസ്റ്റ്‌ മതിയല്ലോ,എന്റെ കള്ളക്കുട്ട?"
"അപ്പോള്‍ നീയും കൂടെ ചേര്‍ന്ന് ഒരുക്കിയ നാടക മാണ് ഇത് അല്ലേ . " അവളുടെ അരുണാഭമാര്‍ ന്ന കവിള്‍ തടങ്ങളില്‍ മുത്തം കൊണ്ട് പൊതിഞ്ഞിട്ടു ഞാന്‍ ചോദിച്ചു.
"ആണല്ലോ എന്റെ കള്ളകുട്ടാ " എന്നെ ആലിംഗനം ചെയ്തു കൊണ്ട് പറഞ്ഞു.
ശുഭം
ചെറുകഥ
വധു
ജോര്‍ജ് കുര്യന്‍
ഭാഗം ഒന്ന്
"എടാ ഷാജു " എന്റെ അപ്പന്‍ എന്നെ വിളിച്ചതാണ്. സോറി.'അപ്പന്‍' എന്ന വിളി പഴയ കാലത്ത്.. ഇപ്പോള്‍ വിളിക്കുന്നതെ 'ഡാഡി'
തുറന്നു കിടക്കുന്ന മുറിയിലേക്ക് എന്റെ കണ്ണുകള്‍ ഓടിയെത്തി.കസാലയില്‍ ഇരിക്കുന്നഡാഡിയുടെ ഗാംഭീര്യം തുളുമ്പുന്ന മുഖത്തെ 'കപ്പട മീശ' പേടിപ്പെടുത്തുന്ന ഒന്നാണ്.സ്നേഹം എത്തി നോക്കാത്ത ആ മുഖം കാണുമ്പോള്‍ ഭയമാണ്, എന്റെ ഇരുപത്തി അഞ്ചാം വയസ്സിലും!!
ഈയിടെ ചുരുക്കമായേ ഡാഡിയെ കാണാറുള്ളു.അടുത്ത കാലത്ത് election ആയിരുന്നു.ഡാഡി പാസ്സായി എന്ന് മാത്രമല്ല മന്ത്രി ആകുകയും ചെയ്തു.
Election വിചിത്രമായ ഒന്നായിരുന്നു. എതിരാളി ഒരുമിച്ചു വളര്‍ന്നു,ഒരുമിച്ചു പഠിച്ച കൂട്ടുകാരനായിരുന്നു.രാഷ്ട്രീയത്തില്‍ കൂട്ട് കെട്ടിന്
സ്ഥാനമില്ല.അതുകൊണ്ടെ അവര്‍ പ്രതിയോഗികളായി. വാശിയേറിയ മത്സരത്തില്‍ ഡാഡി എതിരാളിയെ മുട്ട്കുത്തിച്ചു.ചെറു ഭൂരി പക്ഷത്തിനു വിജയിച്ചു.പക്ഷെ നഷ്ട്ടം വന്നത് എനിക്കായിരുന്നു.കാരണം ഡാഡിയുടെ എതിരാളിയുടെമകള്‍ ഷീലയും, ഞാനും പൊരിഞ്ഞ പ്രേമതില്ലാണ്.എന്റെ പ്രാണ സഖി എനിക്ക് പൂര്‍ണമായി നഷ്ട്ടപ്പെട്ടു എന്ന് എനിക്ക് ഉറപ്പായി.
"ഷാജു" ഡാഡിയുടെ വിളി എന്നെ ചിന്തയില്‍ നിന്ന് ഉണര്‍ത്തി."എന്തോ' ഞാന്‍ സവിനയം വിളി കേട്ട് എഴുനേറ്റു..
"ഇങ്ങു വരൂ". എന്നെ അടുത്തേക്ക് വിളിച്ചു.നാന്‍ സാവകാശം നടന്നു ഡാഡിയുടെ അടുത്ത് ചെന്ന്.നിന്നു.. എന്റെമുഖത്ത് നോക്കാതെ അദ്ദേഹം പറഞ്ഞു."നിനക്ക് വയസ്സ് ഇരുപത്തി അഞ്ചു കഴിയുന്നു.നീ താമസിയാതെ ഒരു
വിവാഹം കഴിക്കണം.ഞാന്‍ മന്ത്രി ആയി ചാര്‍ജ് എടുത്താല്‍ കൂടുതല്‍ സമയം തിരുവനന്തപുരത്തായിരിക്കും എന്ന് നിനക്ക് അറിയാമല്ലോ.നീയും കുടുംബവും വേണം ഫാക്ടറിയും മറ്റു സ്ഥാപനങ്ങളും,സ്ഥലങ്ങളും നോക്കി
നടത്താന്‍.അതുകൊണ്ട് ഞാന്‍ പോകുന്നതിനു മുന്‍പ് വിവാഹം നടന്നിരിക്കണം.
ഞാന്‍ ഒന്നും സംസാരിച്ചില്ല..മൌനം അവലംബിച്ച് നിന്നു. ഡാഡി പറയുന്ന കാര്യത്തിനു മാറ്റമില്ല എന്നെനിക്കു അറിയാം. ഷീലയെ വിവാഹം ചെയ്യാന്‍ ഞാന്‍ തയാറാണ്. പക്ഷെ എതിരാളിയുടെ മകളെ കെട്ടാന്‍ സ്വപ്നംകണ്ടിട്ട് കാര്യമില്ല..അത്രമാത്രം ശത്രുതയിലാണ് അവര്‍ അപ്പന്മാര്‍ രണ്ടു പേരും. തെരഞ്ഞെടുപ്പില്‍ രണ്ടു പേരുടെയും ആളുകള്‍ തമ്മില്‍ പൊരിഞ്ഞ അടിയും, വലിയ വഴക്കുകളും നടന്നു.അപ്പന്‍ ആരെയോ കണ്ടു വച്ചിട്ടുണ്ട് എന്നത്
തീര്‍ച്ച.മന്ത്രിയുടെ മകന് നല്ല ബന്ധം അപ്പന്‍ കണ്ടു വച്ചിട്ടുണ്ട് എന്നത് തീര്‍ച്ച.ആയ കാര്യം തന്നെ.ഞാന്‍ രക്ഷപെടാന്‍ വഴികള്‍ ആലോചിച്ചു. ഒരു മാര്‍ഗം കണ്ടെത്തി."എനിക്ക് ഇപ്പോള്‍ കല്യാണം വേണ്ട.കുറെകൂടെ
പഠിത്തം നടത്തണം ഡാഡി." ഞാന്‍ വിനയത്തോടെ പറഞ്ഞു. "അത് നീയല്ല നിശ്ചയിക്കുന്നത്.നീയും, ഞാനും നാളെ രാവിലെ ഒരിടം വരെ പോകുന്നു .ഒരു പെണ്ണിനെ കാണാനാണ്. ദല്ലാള്‍ എല്ലൂരി വറീത് ചേട്ടനും കൂടെയുണ്ട്." അത്
പറഞ്ഞു കഴിഞ്ഞു ഡാഡി വിസ്കി തുറന്നു. ഇവിടെ നിന്നാല്‍ രക്ഷയില്ല എന്ന് എനിക്ക് മനസ്സിലായി.ഞാന്‍ വേഗം എന്റെ മുറിയില്‍ പോയി കതകടച്ചു കിടക്കയില്‍ ഇരുന്നു..വേഗം എന്റെ മൊബൈല്‍ ഫോണ്‍ കറക്കി ഷീലയെ വിളിച്ചു.
"ഷീല" എന്റെ സ്വരത്തില്‍ ദുഃഖം ഉണ്ടായിരുന്നു.. ശീലക്കു അത് മനസ്സിലായി എന്ന് തോന്നി.."എന്താണ് ഷാജു" അവള്‍ ഉദ്വേഗത്തോടെ തിരക്കി.. ഞാന്‍ മറുപടി പറഞ്ഞു. "ഗതി കേടായി . എന്റെ ഡാഡി എന്നെ കൊണ്ട് പെണ്ണ് കെട്ടിച്ചേ അടങ്ങു. എല്ലൂരി വറീത് ചേട്ടനാണ് ദല്ലാള്‍."
"നല്ല കാര്യം .ദല്ലാള്‍ നല്ല പെണ്ണിനെ കണ്ടു പിടിച്ചു കാണും. മന്തി പുത്രന്റെ ഭാഗ്യം !!" ഷീല വലിയ തമാശക്കാരി ആണ്..പക്ഷെ എനിക്ക് തമാശ തോന്നിയില്ല.. അവള്‍ വീണ്ടും പറഞ്ഞു. മന്ത്രി ആയാല്‍ ഭാഗ്യം തന്നെ വന്നു കേറും.കിട്ടുന്ന ഭാഗ്യം വേണ്ടെന്നു വയ്കരുതെ.."
എനിക്ക് നല്ല അരിശം തോന്നി..ഇപ്പോഴാണ് ഇവളുടെ തമാശ." ഷീല," ഞാന്‍ കരച്ചിലിന്റെ വക്കിലെത്തി."എന്റെ ഡാഡി
മന്ത്രി പദം എടുക്കുന്നതിനു മുന്‍പ് എന്റെ കല്യാണം നടത്താന്‍ ഉറചിരിക്കുകയാണ്." "നല്ല ബന്ധം ഡാഡി കണ്ടു വച്ച്
കാണും. ഷാജു അതിനു സമ്മതിച്ചില്ലെങ്കില്‍ വെറുതെ ഡാഡിയുമായി വഴക്ക് പിടിക്കും അല്ലെ ? അത് വേണ്ട ഷാജു."
ഞാന്‍ മറുപടി കൊടുത്തത് വളരെ വിഷമത്തോടെ ആണ്..""ഷീല നിന്നെ അല്ലാതെ വേറൊരു പെണ്ണിനെ കെട്ടാന്‍ എനിക്ക് സാധ്യമല്ല."
"എന്നെ മറന്നു കളയണം ,ഷാജു . ഒരു ധനികയായ ,സുന്ദരി ആയ പെണ്ണിനെ കെട്ടണം ."അവള്‍ ചിരിച്ചു. എനിക്ക് നല്ല അരിശം വന്നു.. ഇപ്പോളാണ് ഇവളുടെ തമാശ !!
(will continue)
